У адпаведнасці з падпунктам 1.1 пункта 1 Указа Прэзідэнта Рэспублікі Беларусь ад 15 кастрычніка 2007 г. № 498 «Аб дадатковых мерах па працы са зваротамі грамадзян і юрыдычных асоб» звароты (прапановы, заявы, скаргі) грамадзян, у тым ліку індывідуальных прадпрымальнікаў, а таксама юрыдычных асоб, незалежна ад таго, у які дзяржаўны орган альбо іншую арганізацыю яны паступілі, першапачаткова падлягаюць разгляду па сутнасці ў адпаведнасці з кампетэнцыяй:

• у мясцовых выканаўчых і распарадчых органах, падпарадкаваных ім арганізацыях, тэрытарыяльных падраздзяленнях (органах) і арганізацыях, падпарадкаваных альбо якія ўваходзяць у склад (сістэму) рэспубліканскіх органаў дзяржаўнага кіравання і дзяржаўных арганізацый, падпарадкаваных Ураду, іншым дзяржаўным органам, іншым арганізацыям, якія ажыццяўляюць сваю дзейнасць і размешчаных у межах той адміністрацыйна-тэрытарыяльнай адзінкі, на тэрыторыі якой узніклі пытанні, выкладзеныя ў зваротах;
• у іншых дзяржаўных органах, іншых арганізацыях, калі пытанні, выкладзеныя ў зваротах, адносяцца да выключнай кампетэнцыі гэтых органаў альбо арганізацый.

Пры накіраванні звароту ў дзяржаўныя органы і арганізацыі варта кіравацца Указам Прэзідэнта Рэспублікі Беларусь ад 15 кастрычніка 2007 г. № 498 «Аб дадатковых мерах па працы са зваротамі грамадзян і юрыдычных асобаў», у адпаведнасці з падпунктам 1.1 пункта 1 якога звароты грамадзян, у тым ліку індывідуальных прадпрымальнікаў, а таксама юрыдычных асоб, незалежна ад таго, у які дзяржаўны орган альбо іншую арганізацыю яны паступілі, першапачаткова падлягаюць разгляду па сутнасці ў адпаведнасці з кампетэнцыяй:

Электронныя звароты грамадзян, у тым ліку індывідуальных прадпрымальнікаў (далей – грамадзяне), і юрыдычных асоб, накіраваныя ў Міністэрства аховы здароўя Рэспублікі Беларусь, разглядаюцца ў адпаведнасці з патрабаваннямі Закона Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб». У адпаведнасці з Законам Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб» электронны зварот выкладаецца на беларускай або рускай мовах. Электронны зварот грамадзяніна ў АБАВЯЗКОВЫМ парадку павінен змяшчаць: прозвішча, уласнае імя, імя па бацьку або ініцыялы грамадзяніна; адрас месца жыхарства (месца знаходжання) грамадзяніна; сутнасць звароту; адрас электроннай пошты грамадзяніна. 

 Электронны зварот юрыдычнай асобы ў абавязковым парадку павінен змяшчаць: 

• поўную назву юрыдычнай асобы; 

• месца знаходжання юрыдычнай асобы; 

• сутнасць звароту; прозвішча, уласнае імя, імя па бацьку асобы, упаўнаважанай падпісваць звароты; 

• адрас электроннай пошты юрыдычнай асобы. 

  ПАКІДАЮЦЦА БЕЗ РАЗГЛЯДУ па сутнасці звароты, якія (па якіх): 

•  выкладзены не на беларускай або рускай мове; 

•  не змяшчаюць прозвiшча, уласнага iмя, iмя па бацьку, адраса месца жыхарства (месца знаходжання) грамадзяніна; 

•  не змяшчаюць поўнай назвы юрыдычнай асобы і адраса яе месца знаходжання, прозвiшча, уласнага iмя, iмя па бацьку кіраўніка або асобы, упаўнаважанай ва ўстаноўленым парадку падпісваць звароты (для юрыдычных асоб); 

•  змяшчаюць тэкст, які не паддаецца прачытанню; 

•  змяшчаюць нецэнзурныя або абразлівыя словы ці выразы; 

•  падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах; 

•  у адпаведнасці з заканадаўчымі актамі ўстаноўлены іншы парадак падачы і разгляду такіх зваротаў; 

•  прапушчаны без уважлівай прычыны тэрмін падачы скаргі; 

•  пададзены паўторны зварот, калі ён ужо быў разгледжаны па сутнасці і ў ім няма новых абставін, якія маюць значэнне для разгляду звароту па сутнасці; 

•  з заяўнікам спынена перапіска.

Звяртаем увагу!

Падача электронных зваротаў грамадзян і юрыдычных асоб у Міністэрства аховы здароўя часова ажыццяўляецца на адрас электроннай пошты citizens@belcmt.by пры выкананні патрабаванняў да электронных зваротаў, пералічаных вышэй.

Электронныя звароты павінны быць разгледжаны не пазней за 15 дзён, а тыя, што патрабуюць дадатковага вывучэння і праверкі, – не пазней за 1 месяц. Адказы на электронныя звароты накіроўваюцца ў электронным выглядзе на адрас электроннай пошты, пазначаны ў электронным звароце, або ў пісьмовым выглядзе па месцы жыхарства (месцы знаходжання) грамадзяніна або месцы знаходжання юрыдычнай асобы ў выпадках, устаноўленых Законам Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб».