Міністр падкрэсліў, што без шырокіх ведаў, сваёй думкі і актыўнай прафесійнай пазіцыі ўрач не зможа адбыцца як прафесіянал і грамадзянін. Ён выказаў упэўненасць, што прадстаўнікі ўсіх чатырох медыцынскіх ВНУ, якія сабраліся на конкурс, выбраўшы медыцынскі шлях, гатовы дэманстраваць сваю актыўную пазіцыю і дзяліцца гэтай жыццёвай сілай. «У кожнага прафесара ёсць свая плеяда вучняў. Вы заўсёды будзеце працаваць у камандзе», – патлумачыў ён студэнтам. Другі момант, на які ён звярнуў увагу – важнасць асветніцкай працы. «Мы стаім на складанай пазіцыі ў спісе ўсіх прафесій, бо ад нашых ведаў, уменняў, здольнасцяў залежыць – жыццё пацыента. Доктар – гэта сацыяльна значная пазіцыя. Вы нясеце калектыўную адказнасць. Па гісторыі медыцыны відаць: усе выбітныя асобы былі неардынарнымі – успомнім Арыстоцеля, Пірагова, Саўчанкі, Клумава... Яны ўсё неслі за сабой цэлы аспект ведаў, які апраналі ў зразумелую мову. Няма ніводнага чалавека з вашых настаўнікаў, у каго б не было ярка выяўленага меркавання і дзяржаўнай пазіцыі. Паглядзіце на працу нашых дэпутатаў і сенатараў ад медыцыны ў Савеце Рэспублікі і Палаце Прадстаўнікоў – лекары фармуюць голас народа», – падкрэсліў міністр.

Па словах рэктара БДМУ Сяргея Рубніковіча, падчас конкурсу будуць абраныя найлепшыя ініцыятывы, якія можна ўкараніць у іншых ВНУ. «Асноўная мэта мерапрыемства – абмеркаванне навін і дасягненняў студэнцкага самакіравання, студэнцкага актыву, якія напрацаваны на працягу апошніх гадоў. Галоўнае – даць новы штуршок студэнцкай актыўнасці не толькі ў адукацыйнай дзейнасці, але і навуковай, творчай, спартыўнай», – сказаў ён.

Галіновы прафсаюз у 2021 годзе правёў такі конкурс сярод працуючай моладзі, на ім было прадстаўлена 18 праектаў, адзначыў старшыня БПСРЗ Вячаслаў Шыла. Задача конкурсу заключалася ў тым, каб прыцягнуць да ініцыятыў, якія рэалізуюцца на месцах, большую колькасць удзельнікаў. Гэта дазваляе разнастаіць прафесійную дзейнасць, пашырыць кола зносін.

У часа дыялогавай пляцоўкі з міністрам студэнты абмеркавалі пытанні сацыяльна-палітычнага жыцця краіны, перспектывы развіцця стартапаў, маладзёжнай прадпрымальніцкай супольнасці. Таксама былі абмеркаваны і пытанні прафесійнага працаўладкавання, магчымасці атрымаць размеркаванне на кафедру і адразу паступіць у аспірантуру (пасля 6-га курса). Студэнты вылучалі прапановы па арганізацыі рэспубліканскага стартапа з удзелам студэнтаў і айці-кампаній на базе БДМУ і тд.

Прэс-служба Міністэрства аховы здароўя