Кітайскі бок прадаставіў вакцыну бязплатна у працяг дамоўленасцей Прэзідэнта Беларусі Аляксандра Лукашэнкі і Старшыні КНР Сі Цзіньпіна, дасягнутых падчас тэлефоннай размовы 26 студзеня 2021 года.

«Беларусь першай з краін паставіла гуманітарны груз, калі пандэмія закранула Кітай. Калі эпідэмічная сітуацыя пачала развівацца ў Беларусі, мы адчулі наймагутную падтрымку нашых кітайскіх сяброў. З 20 найбуйнейшых гарадоў, правінцый, аўтаномных акругаў да нас у краіну паступала дапамога ў выглядзе вырабаў медыцынскага прызначэння, ахоўных касцюмаў, тэст-сістэм», - адзначыў мiнiстр аховы здароўя Дзмітрый Піневіч. Такое супрацоўніцтва ён назваў «адной з яркіх старонак, якія пацвярджаюць стратэгічныя ўзаемаадносіны паміж дзвюма нашымі дзяржавамі».

Пасол Кітая ў Беларусі Се Сяоюн заўважыў: гуманітарная дапамога прадастаўляецца ў знак сяброўскіх пачуццяў да беларускага ўраду і народу. «Спадзяемся, што кітайская вакцына, эфектыўнасць і бяспеку якой пацверджаны многімі краінамі свету, можа згуляць актыўную ролю ў барацьбе беларускіх людзей з эпідэміяй», - сказаў ён. Сумеснае супрацьстаянне пандэміі стала яркім момантам супрацоўніцтва Кітая і Беларусі, дадаў пасол.

Адзначым, што КНР у ліку першых стала распрацоўваць вакцыну ад COVID і праводзіць клінічныя выпрабаванні. Вакцына вытворчасці «Сінофарм» рэкамендавана для выхаду на рынак Дзяржаўным фармацэўтычным кіраваннем КНР.

Прэс-служба Міністэрства аховы здароўя